No pasado mes de maio AGASEDE e a Distribuidora de Produtos de Limpeza DARLIM, a través dos seus principais directivos, formalizaron un acordo do que se poderán beneficiar todos os seus socios.
DARLIM é unha empresa referente no sector dos produtos profesionais de limpeza, hixiene e desinfección. Conta con dous grandes centros de distribución en Galicia e Madrid, e varias delegacións e franquicias en diferentes puntos da xeografía nacional. Gracias a esta extensa rede ofrece produtos e servicios dos principais fabricantes ademais de contar con marcas propias. Desta forma conta cun amplo portfolio de referencias.
DARLIM pretende dar sempre un servicio integral e ofrecer solucións profesionais aos seus clientes, de tal forma que cun só provedor se poidan abarcar diferentes campos dentro da limpeza, hixiene e desinfección. Con máis de 40 anos no mercado obtiveron unha gran bagaxe e experiencia que lle permite actuar de forma especializada.
O ano pasado DARLIM editou un catálogo específico socio-sanitario, significando aquelas familias de produtos de máis consumo no sector. É unha mostra reducida de algúns produtos e sistemas que poden axudar a unha limpeza eficaz e eficiente. Neste sentido é importante analizar os procesos de limpeza e buscar formulas que minimicen tempos ou desperdicios de produción.
Mediante este novo acordo os socios de AGASEDE poderán desfrutar en condicións moi vantaxosas de todo o catálogo de produtos e servicios de DARLIM. Ademais de contar co apoio de todo o seu personal técnico e comercial para asesoralos e acompañalos en solucións profesionais que lles poidan axudar na mellora da xestión dos seus centros.
